Laghzishoun ke nazool ka mousam
Mousam-e-gul he bhool ka mausam
Zard patto ne dhanp rakha he
Konploun ke husool ka mausam
Ye bhi daur-e-khizan se guzre ga
Tere jurhe ke phool ka mausam
Dairoun pe muhit he dil ke
Fikr ke arz-o-tool ka mausam
Ae Khuda mujh ko bhi ata kar de
Un ke qadmo ki dhool ka mausam
Kis tarah bhool jaon me Jaavi
Us ke rad-o-qabool ka mausam
Sarwar Jaavi
Tuesday, September 6, 2011
Laghzishoun Ke Nazul Ka Mousam by Sarwar Jaavi
Subscribe to:
Post Comments (Atom)
0 تبصرے:
Post a Comment