Dil-e-ghamgheen ko bahla rahi hai
Musalsal yaad teri aa rahi hai
Tapish meri muhabbat ki to dekho
Ghuroor-e-husn ko pighla rahi hai
Jise maloom hai anjaam-e-ulfat
Wo shakhegul pe bhi ithla rahi hai
Muhabbat dil me aur aankhon me nafrat
Bazahir kya hai kya dikhla rahi hai
Dam-e-aakhir tera paigham qatil
Pyame zindagi kehla rahi hai
Marize marg ke haalaat Aijaz
Nazar hasrat bhari dhundhla rahi hai.
Sunday, September 4, 2011
Dil-e-Ghamgheen Ko Bahla Rahi Hai by Ejaz Faruqi
Subscribe to:
Post Comments (Atom)
0 تبصرے:
Post a Comment