Ye mojezaa bhi muhabbat kabhi dikhaaye mujhe
Ke sang tujh pe gire aur zakhm aye mujhe
Vo mehrbaan hai to iqraar kyun nahin karta
Vo badgumaan hai to sau baar aazmaaye mujhe
Main apne paanv tale raundataa houn saaye ko
Badan mera hi sahi do-pahar na bhaaye mujhe
Main ghar se teri tamannaa pahan ke jab niklun
Barahana shahar men koi nazar na aye mujhe
Vo mera dost hai sare jahaan ko hai maalum
Dagha kare vo kisi se to sharm aye mujhe
Main apni zaat men nilaam ho raha houn ‘Qateel’
Gham-e-hayaat se kah do Kharid laaye mujhe
Qateel Shifai
Friday, September 2, 2011
Ye Moajza Bhi Muhabbat by Qateel Shifai
Subscribe to:
Post Comments (Atom)
0 تبصرے:
Post a Comment