Ai dil-e-raayegaaN udaas udaas
Phir rahe ho kahaaN udaas udaas
ChaaNd ek umr se safar meN hai
AasmaaN aasmaaN udaas udaasj
Ab bhii dekhaa hai jhaaNk kar dil meN
Ho gayaa sab jahaaN udaas udaas
Zindagii khel hai udaasii kaa
Ham yahaaN, tum vahaaN udaas udaas
Kyaa udaasii sivaa nahiiN kuch bhii
Ai mere laa-makaaN udaas udaas
Raat phir kyuuN jaagte ho aaKhir
Is tarah merii jaaN udaas udaas
Ek taraf Gham haiN ek taraf KhushiyaaN
Aur maiN darmiyaaN udaas udaas
Farhat Abbas Shah
Thursday, September 1, 2011
Ae dil-e-raayegaan Udas Udas by Farhat Abbas Shah
Subscribe to:
Post Comments (Atom)
0 تبصرے:
Post a Comment