Ab Bhala Chor by Parveen Shakir

Ab bhalaa chhoR ke ghar kyaa karte
Shaam ke vaqt safar kyaa karte

Terii masruufiyateN jaante the
Apne aane kii Khabar kyaa karte

Jab sitaare hii nahiiN mil paaye
Le ke ham shams-o-qamar kyaa karte

Vo musaafir hii khulii dhuup kaa thaa
Saaye phailaa ke shajar kyaa karte

Khaak hii avval-o-aaKhir thahrii

Kar ke zarre ko gauhar kyaa karte

Raaye pehle se hii banaa lii tuune
Dil meN ab ham tere ghar kyaa karte

Ishq ne saare saliiqe bakhshe
Husn se kasb-e-hunar kyaa karte

 

Parveen Shakir

Please Give Us Your 1 Minute In Sharing This Post!

SOCIALIZE IT →

Tweet

FOLLOW US →

SHARE IT →

Powered By: BloggerYard.Com